Atención, galos e galiñas! Hoxe temos algo importante que celebrar: hai 178 anos naceu unha muller que cambiaría a maneira na que se empregaba a súa lingua, que fixo que rexurdise no panorama literario, e prestixiou o seu uso. Que a empregou para denunciar as condicións pésimas e a inxustiza baixo as que vivía a sociedade da súa época. Ela foi valente, hai máis dun século, para facer que se redescubrise a identidade cultural que ela sentía súa, e que é tamén a nosa. O seu labor converteuna en todo un símbolo, e por iso, hoxe somos todos Rosalía.
Xa sabes que facer para conmemorar esta data? Agasalla un libro en galego e unha flor a esas persoas que o merecen! E se queres relaxarte escoitando música, a recomendación especial do día queda na listaxe de abaixo.
Parabéns, Rosalía.
.jpg)
